| தமிழினப்படுகொலைகளை நிறுத்தக்கோரியும், உடனடிப்போர்நிறுத்தத்தை வலியுறுத்தியும் இரவு பகல் தொடற்சியாக நடைபெற்றுக்கொண்டிருக்கும் இப்போராட்டத்தில் நான்கு இளையோர்களின் உண்ணா நிலைப்போராட்டம் 19வது நாளாகத்தொடர்கின்றது.
நேற்றய நாள் பிரானசின் தலைநகர்பாரிசில் பேரெழுர்ச்சிகண்ட அடங்காப்பற்றுப்பேரணி சரியாக பி.ப. 2.30 மணிக்கு மனிதவுரிமைச்சதுக்கம் பகுதியிலிருந்து ஆரம்பமாகி பிரான்சின் ஈஃபில் கோபுரம் அமைந்துள்ள பிரதான வீதியூடாக நாடாளுமன்றவளாகம் நோக்கிச்சென்றடைந்து அங்கு சிறப்பு ஒன்று கூடல் நடைபெற்றது.
இதில் பல அரசியல் பிரமுகர்கள், சட்டவாளர்கள், மதப்பெரியவர்கள், பலவேறு அமைப்புக்களின் தலைவர்கள் கலந்துகொண்டு உடனடிப்போர் நிறுத்தம் ஏற்பாட வேண்டும், தமிழ்மக்களுக்கான மனிதாபிமான உதவிகள் வழங்கப்பட வேண்டும், தமிழ் மக்களின் ஏகப்பிரதி நிதிகள் விடுதலைப்புலிகள்தான் எனவும் கூறியதோடு, சர்வதேசத்தின் நிலைப்பாட மாற்றமடையக்கூடியதொன்று எனவும் தொடர்ந்து போராடினால் வெற்றிகடைக்கும் எனவும் தெரிவித்திருந்தனர்.
உண்ணாநிலையிருக்கும் இரண்டு இளைஞர்களும் உடல நிலை மிகவும் களைப்படைந்துள்ள நிலையில் மக்களோடு பேரணியாக மக்களின் உதவியோடு நாடாளுமன்றம் வரை சென்று அங்கு மக்களுக்கானதும், சர்வதேசசமூகத்திற்குமான உரையையும் நிகழ்த்தியிருந்தனர்.
சிறப்பு ஒன்றுகூடல் அங்கு நிறைவடைந்ததன் பின்னர் அங்கிருந்து புறப்பட்டு மீண்டும் பேரெழுர்ச்சியோடு மனிதவுரிமைச்சதுக்கத்தை வந்தடைந்து சிறப்பு ஒனறுகூடல் நடைபெற்றது. இதில் என்றுமில்லாதவாறு பிரெஞ்சு ஊடகங்கள் முக்கியத்துவம் கொடுத்துப்பதிவுசெய்தன. அத்துடன் இந்த அடங்காப்பற்றுப்பேரணியில் பதாகைகள் தாங்கியும்,கொட்டொலிகள் முழங்கியும் சுமார் 35000 ற்கும் மேற்பட்ட மக்கள் கலந்கொண்டனர்.
பல்லாயிரக்கணக்கான மக்களின் பங்குபற்றலோடு மிகவும் ஒழுக்கத்துடனும், பண்புடனும் நடைபெற்ற இப்போராட்டம் மகக்களின் கவனத்தை ஈர்த்ததோடு பிரான்சின் காவல்துறையினரும் ஏற்பாட்டளரகளுக்கு நன்றி தெரிவித்திருந்தனர்.
இன்றும் தொடற்சியாகப்போராட்டம் அதே பகுதில் நடைபெற்றுக்கொண்டிருக்கிறது. எனவே மக்கள் தொடற்சியாக இப்போராட்டத்தில் கலந்து கொள்ள வேண்டும் என உண்ணா விரதிகளும் ஏற்பாட்டாளர்களும் கேட்டுக்கொண்டுள்ளனர். அத்துடன் இன்று ஏற்கனவே உண்ணாநிலைப்போராட்டத்திலுள்ள இளைஞர்களோடு இணைந்து பிரான்சிலுள்ள அனைத்துத்தமிழ்ச்சங்கங்களும் அடையாள உண்ணா நிலைப்போராட்டத்தை காலை 6மணியிலிருந்து மேற்கொண்டுள்ளனர் |
No comments:
Post a Comment