பிரான்ஸ் உண்ணாவிரதிகளில் இருவர் மருத்துவப்பிரிவினரால் வைத்தியசாலைக்கு எடுத்துச்செல்லப்பட்டுள்ளனர்

பிரான்ஸில் தொடர்ந்து 19 வது நாட்களாக சாகும் வரையிலான உண்ணாநிலைப் போராட்டத்தை மேற்கொண்டு வந்த நான்கு இளைஞர்களில் இருவரினுடைய உடல் நிலை மோசமடைந்ததின் காரணமாக அவசர வைத்தியப்பிரிவினரால் வைத்தியசாலைக்கு எடுத்துச் செல்லப்பட்டுள்ளனர்.

ஆனந்தகுமாரசாமி ரவிராஜ் மற்றும் விக்கினேஸ்வரன் வர்ணன் ஆகிய இரு இளைஞர்களுமே வைத்தியசாலைக்கு எடுத்துச் செல்லப்பட்டுள்ளனர். ஏனைய இரு இளைஞர்களும் தொடர்ந்தும் உண்ணாநிலைப் போராட்டத்தை தொடர்ந்து வருகின்றனர். சிறிலங்காப் பேரினவாத அரசு தமிழ் மக்களின் மீது கொத்துக் குண்டுகளையும் நச்சுக் குண்டுகளையும் வீசிக் கொன்று குவித்து அவர்களின் பிணங்களில் நின்று கொண்டு தாண்டவம் ஆடுகின்றது. இந்த நிலைமையிலே உலக நாடுகள் தோறும் அகிம்சைப் போராட்டங்கள் மேற்கொள்ளப்பட்டு வருகின்றன. அந்த வகையில் பிரான்சிலும் கடந்த 08.04.2009 அன்று புதன்கிழமையிலிருந்து உண்ணாநிலைப் போராட்டத்தை நான்கு இளைஞர்கள் ஆரம்பித்து தொடர்ந்து மேற்கொண்டுவந்தமை குறிப்பிடத்தக்கது.